档案
日志
相册
视频
2008-05-15 | 29W+4
标签：
估唔到今个月一放松小小, 情况就无之前甘好了... 
BB, 妈咪唔乖... 
BB, 妈咪唔乖... 今日去检查, 医生话BB有D偏细, 可能唔够营养, 叫我吃多D鸡蛋同牛奶.
唉, 可能系上个月去检查, 一下子增磅左甘多, 而且情况又比较好, 心情松懈左.
钙片吃少左, 鸡蛋吃少左, 牛奶饮少左, 晚餐分量吃少左, 医生之前开噶丸仔完全摆埋一边.
睇来到月底检查之前要开始努力补充营养了. 
今次检查就单做脐血流监护, 以为又要抽血之类噶, 点知系同B超一样噶, 甘都好D.
支棒仔一放落个肚皮度就有D刺刺痛, 医生话我肚皮太薄, 所以对电流特别敏感. 特别系肚脐位, 一放落去忍唔到2秒我就开始叫痛了. OH NO, 唔怪得知我个肚谷得甘犀利拉, 成个肚都系裂纹. 唉, 都怪以前太瘦了.
从今次开始, 就2周检查一次了, 意味住离预产期越来越近. 
呢个时候可以开始准备BB出世要用噶野, 通常呢个时候准妈咪会好兴奋好心急买呢样果样,
不过, 上次细姑姐基本上都帮我搞掂晒, 唔需要费呢个心, 有D失望...
而且屋企人都普遍反对甘早就咩都买, 有D野其实用唔着, 又或者系未甘快会用到, 我谂, 到生之前, 都唔需要再添加D咩咯...
BB, 妈咪呢半个月会乖乖地吃野, 听Daddy话, 月底等医生赞你哈! 
评论
想第一时间抢沙发么？