BB可能比较听Daddy话, 之前话叫渠转翻个胎位同唔好再脐带缠颈, BB都好听话办到了.
今次出世噶日子亦都如老公所愿.

27号果晚, 老公如常同BB进行思想教育.
我发现到渠每次同BB倾计, 都系对住我个肚脐, 甘米即系对住BB噶PATPAT?
所以我教老公试吓对住BB头噶方向倾计, 果然就真系来野了.

2008-7-28 凌晨3点25分

训到半夜醒左, 系床度摊一阵谂住准备要去PP噶了,
点知发觉好似突然有股暖流喷左出来, 即时去厕所及吓咩环境.
见红!
第一个反应好复杂, 有D兴奋, 有D唔相信.
马上叫醒老公起身再double cfm吓, 睇来呢次系来真噶了.
下一秒, 就发现有水状噶野不由自主甘向下流, 而且带有D腥味.
破羊水!
今次真系咩产前症状都来齐了.
马上抄醒晒全屋人, 执拾细软, 准备入院待产.

破羊水噶感觉非常唔好, 莫讲话郁一下, 就算唔郁D水都会流出来.
系等的士噶过程中, 我一路都摊系张床度.
因为唔知D羊水有几多, 好惊等间流晒, 到生噶时候干塘米弊.
上左的士之后, 忽然觉得好惊, 有D不知所措, 担心之后唔知会发生D咩事.
姑姐系我身边一直鼓励同安慰我, 而老公一路都好淡定安排一切噶野.

2008-7-28 凌晨4点

办好晒一切入院手续, 进入待产区.

待产区只容许一位家属陪住, 家婆同姑姐就负责后勤工作, 老公就一路系我身边陪住.
做胎监噶时候, 护士话我开始有宫缩, 叫我地开始留意有无肚痛噶症状.

我同小江同学都算有缘, 临生之前做B超又碰岩渠上夜班.
渠仲话一开头想俾个surprise我, 点知俾我见到渠先.
一边照B超, 只衰野一边系度吓我, 话如果我要顺产就要有心理准备.
其实决定要顺产就已经预左痛噶了, 所以我都无将渠噶话放系心入边.

凌晨4点到11点呢段时间, 开始有间歇性噶肚痛, 平均5分钟痛一次.
由最初噶小小痛到好似M痛甘痛, 呢D都还可以顶得住.
而我都趁机吃翻D野补充体力, 不过都只系吃到D粥, 因为疼痛噶频率开始越来越快了.
11点过后, 就开始大痛了. 一开始2分钟痛一次, 一次痛十几秒, 之后就1分钟痛一次, 一次痛分几钟.

护士话宫口先开到2CM. 宫口从2 CM开到3CM呢段时间系最长噶, 宫口要开到10CM先可以生.
天啊, 听到呢D数字个心即时冻晒, 都唔知要挨几耐先reach.

护士不定时甘过来睇吓我噶情况,
发现我痛噶时候非常紧张, 好用力甘抓住D野, 而且有痉挛现象导致反胃.
叫我一定要放松, 要留力到生噶时候用.
之后, 我就一路好乖甘按照护士噶方法进行呼气, 声都唔声, 一路系度不断吸气, 呼气.
12点后, 完全吃唔落任何野, 老公一阵tem我吃粒金莎, 一阵又tem我饮D红牛.
不过total都系吃左3粒金莎同1罐半红牛.

11点到下午5点半呢段时间, 觉得过得快又过得慢.
快系因为每一次问老公几多点噶时候, 时间比之前多左一个钟.
慢系因为等甘耐, 医生都未话可以生得.
终于......

2008-7-28 下午5点30分

宫口开到5~6CM, 进入产房.

人地话入产房就好似行一转鬼门关甘, 不过入左去我咩都无谂, 一切听从助产师噶指示.
开头噶半个钟, 其实助产师只系帮我将宫口开到10CM, 真正出力系之后噶一个钟.
但开头可能自己唔识用力, 助产师一路叫我唔好用力系块面度, 又好似屙屎甘向下用力.
讲真, 我都系似懂非懂. Anyway, 得一个字: 痛.

2007-7-28 18:59

舞左一轮, 出力噶同时, 俾护士大力按左3次肚皮之后, BB终于出世拉.

助产师将BB放系我个肚上面, 突然觉得渠好重, 同系肚入边噶感觉完全唔同.
我成个人即时松晒.
跟住就听到BB噶喊声, BB把声唔系好尖, 听得好舒服.
但我一直想望吓渠个样, 都望唔到.
过多阵, 助产师将BB抱到我面前, 叫我确认系仔定女,
忽然, 我有种好想笑噶感觉, 难道渠地以为我生完之后神志不清, 要靠呢个来确认吓?
其实, 我比较紧张BB有几重.
听到渠地话有6斤7, 我好开心, 仲开心过生左个仔.
因为之前检查医生都话BB唔大, 6斤多D.
系待产区噶时候护士都话BB唔大, 希望我可以顺利生渠出来.
所以听到呢个斤两数我好满意.
好搞笑, 后尾D护士问我叫咩名, 我竟然答渠, BB未起名, 我唔知咩名喔, 渠地个个都笑了.

之后BB抱左出去, 助产师搞埋D手尾, 半个钟后, 我都推左出产房.

系条走廊摊左成个钟, 眼光光望天花板, 都唔知做咩好.
人地个个生完BB之后支力到S, 但我异常地兴奋, 可能D红牛发挥作用了.
鬼咩, 第一次饮, 一饮就饮成3支, 梗系劲拉.
一直好想出去见屋企人同老公, 但产后要观察2个钟先走得, 好无奈.

推出产房, 一班人都围晒过来, 但渠地讲咩我就听唔清楚了, 人太多.
但老公第一句竟然同我讲, BB对眼似你, 真系晕低!
系走廊摊紧噶时候, 个护士仲特登同我讲, 等间见到D家人唔好甘激动, 会容易造成产后大出血.
我呢种情况绝对系过于冷静了.

老公话我地BB真巴闭, 出世时间甘廖棱, 59分, 住噶产休房就911, 都系D唔平常噶数字.

好奇怪, 当BB放系我侧边噶床仔时候, 我觉得呢个好似唔系我个仔甘, 感觉好陌生.
我谂我需要时间适应呢个小家伙.
好激气, 因为伤口仲痛噶关系, 我到呢一刻都未望到BB个正面, 要靠老公影相俾我睇.
个个都话BB对耳生得靓, 我就话渠一头金毛靓就真!
可能驮住渠噶时候望住PIEGON果个BB望得多, 个样都有D似渠, 哈哈.

快40周了, BB都仲系未有动静, 只系呢2,3日系夜半噶时候, 不时会有D下腹痛, 肚皮不时发硬.
前两日检查噶时候, 胎监噶医生话我有不规则噶宫缩, 但又唔知系米准备要生噶征兆.
见到医生, 渠仲好出奇甘问我, 仲未有动静? 其实呢个问题渠系再上一次检查噶时候已经问过了.
开始医生预计BB会提前一个星期出世, 点知到呢个时候仲未有一丝噶动静.
而且今次检查, 医生仲话BB噶胎头仲未完全入晒盆骨, 个头仔仲可以系入边晃来晃去.
9个月已经开始入盆骨, 到家下仲未入晒, 唔知系我噶原因定BB噶原因, 有D担心.
医生话到时要睇宫缩时子宫收缩噶力度可唔可以将BB噶头推出来.

原本之前2次检查都话BB有脐带绕颈噶可能, 但我都坚持要顺产.
但后尾家婆问左好多人噶意见, 最终为左大细平安, 要求我剖腹产.
点知到上个星期5准备去办入院手续噶时候, 小江同学再帮我check多次, 100%无脐带绕颈.
双方父母最终决定都话唔好开刀, 顺产.
就系甘, 我地成村人就等多左成个星期. 家婆系呢边等到就来闷S, 但无办法, 渠又惊一走我就开始作动.

虽然28号先系预产期, 不过个个都好似觉得BB提早出世系正常,
从上个星期开始就陆陆续续有同学同同事打电话问有无动静, 问到我都有D唔耐烦了...
BB噶Daddy每日放工翻来噶第一句话就问, BB出来问啊.
而我噶对白每次都系, 你唔好问我拉, 问你个BB先系喔.

亲爱噶BB, 你几时先出来啊...? 妈咪同Daddy都好想你快D出来见我地架...
27,28号好日啊, 等你!